沪剧传统小同场戏《朱小天●十八押》

根据筱文滨演唱录音记录
【长腔中板】叹桩头：朱砂渐渐正中天，在里旁走出我败落乡绅朱小天。我出身在松江府在云间，百家姓浪姓朱字，团方称到朱半天。自从爷娘身亡故，像脱笼头野马少缰牵。双亲故世呒归宿，生平欢喜赌铜钿。原有家产拨我侪败落，吃着弄得来弗连牵。想起那年赌铜钿，赢歇过六千八百七十一万（搿）九千千。
白：哪能会得去赌铜钿？就是有两个朋友合我到周庄，叫我去看铜钿搬场。一到周庄，地浪厢拾着一个铜钿，一面有一只马，一面有把宝剑，唱起来叫马剑大洋钿。我朝里厢一掼，啊呀！一掼末齐巧掼辣白虎门只摇缸浪响起来哉。唉，伊话大家看大少爷出手摆。唉，我话我弗摆。唉！伊话侬摆也摆哉，个有啥个勿摆咾伐？搿末我话此地哪能赌品？伊话此地只有四门，青龙、进宝、白虎、出宝。共总四门，太凡总一赢两过八，侬大少爷第一次到周庄，一钿拨侬蠃三钿，我话好个。掼辣啥地方？伊话掼辣青龙浪。搿末我话既然掼辣青龙末，作伊青龙，开起来啊。
十八押：【起三角板】摇三摇咾颠三颠，【甩三角板】开花一记骰子报名件。【起三角板】开出来末扦光荸荠足四点，【甩三角板】巧弗过咾青龙浪厢赢铜钿。【起三角板】大少爷侬着个哉，一钿着三钿，连本搭利算一算，一赢三，【甩三角板】带本变四个马剑大洋钿。【三角板】摇三摇咾颠三颠，白：大少爷摆伐？我话摆是摆个，头一桩青龙，摆青龙末开青龙，搿末我话多一点叫啥？伊话多一点叫进宝。【起三角板】我进宝浪厢扑勒（拉）浪，开花一记骰子报名件，开出来阿二吃汤团骰子足五点，【甩三角板】辣进宝浪厢赢铜钿。【起三角板】大少爷侬亦着哉，一钿着三钿，连本搭利算一算，四赢十二，【甩三角板】带本变十六个马剑大洋钿。摇三摇咾颠三颠，大少爷摆伐？我话摆是摆个，第二桩进宝，伊话摆进宝末开进宝，赢十二块带本变十六块提前搭侬打好。我想弗巧。多一点叫啥？伊话多一点叫白虎。白虎浪厢扑勒（拉）浪，开花一记骰子报名件，开出来螳螂眼睛足六点，辣白虎浪厢赢铜钿。大少爷侬着个哉，一钿着三钿，连本搭利算一算，刚刚十六赢四十八，带本变六十四个马剑大洋钿。摇三摇咾颠三颠，大少爷摆伐？我话摆是摆个，唉，过歇着伐？伊话亦拨侬着辣哉。哎，我想倒巧个，连赢三桩。我话多一点叫啥？伊话多一点叫出宝。我一塌刮子出宝浪厢扑勒（拉）浪，开花一记骰子报名件，开出来老鼠咬金莲，骰子足七点，辣出宝浪厢赢铜钿。大少爷侬亦着哉，一钿着三钿，连本搭利算一算，刚刚六十四赢一百九十二，带本变二百五十六个马剑大洋钿。摇三摇咾颠三颠，大少爷摆伐？我话摆是摆个，哼，第四桩出宝着伐？伊话摆出宝开出宝，搿末我话多一点叫啥？伊话多一点搭侬讲过，此地只有四门。唉呀，我说道对个。回转来亦要青龙。我想冷水个青龙浪厢扑勒（拉）浪，开花一记骰子报名件，开出来跌碎方砖足八点，辣青龙浪厢赢铜钿。大少爷侬亦着哉，一钿着三钿，连本搭利算一算，刚刚二百五十六带本变一千零廿四个马剑大洋钿。摇三摇咾颠三颠，大少爷摆伐？我话摆是摆个，青龙着伐？伊话青龙亦拔侬着，我想冷水青龙摆着一定有伏头。要伏一记，伏青龙门浪扑勒（拉）浪，开花一记骰子报名件，开出来周浦到沈庄六里一条边，骰子齐巧十二点，辣青龙浪厢赢铜钿。大少爷侬亦着哉，一钿着三钿，连本搭利算一算，刚刚一千零廿四带本变四千零九十六个马剑大洋钿。摇三摇咾颠三颠，大少爷摆伐？我话摆是摆个，第二桩青龙，伊话亦拨侬着，我想有两一定有三，逼足伊。三个头青龙浪厢扑勒（拉）浪，开花一记骰子报名件，开出来梅花园里排石舀，骰子齐巧十六点，辣青龙浪厢赢铜钿。唉呀，大少爷侬亦着哉，一钿着三钿，连本搭利算一算，刚刚四千零九十六带本变十六千三百八十四个马剑大洋钿。摇三摇咾颠三颠，大少爷摆伐？我话摆是摆个，唉呀，我想青龙行三桩，四个头呒没噶巧，换花头，原旧双点子，搭我白虎浪厢浪扑勒（拉）浪，开花一记骰子报名件，开出来姐妹三个红灯点，骰子齐巧足十点，辣白虎浪厢赢铜钿。大少爷侬亦着哉，一钿着三钿，连本搭利算一算，刚刚十六千三百八十四带本变六十五千五百三十六个马剑大洋钿。摇三摇咾颠三颠，大少爷摆伐？我话摆是摆个，白虎亦拨侬赢，搿末我话老规矩，伏一记。伏白虎门浪甩勒（拉）浪，开花一记骰子报名件，开出来大眼哭青天，骰子齐巧十四点，白虎浪厢赢铜钿，大少爷侬亦着哉，一钿着三钿，连本搭利算一算，刚刚六十五千五百三十六带本变二百六二千一百四十四个马剑大洋钿。摇三摇咾颠三颠，大少爷摆伐？我话摆是摆个，第二桩白虎，唉呀，亦拨侬赢，我想有两一定有三，逼足伊，三个头白虎浪厢扑勒（拉）浪，开花一记骰子报名件，开出来灶君老爷上西天，骰子齐巧十八点，辣白虎浪厢赢铜钿。唉呀，大少爷侬亦着哉，一钿着三钿，连本搭利算一算，刚刚二百六二千一百四十四带本变一千千零四十八千五百七十六个马剑大洋钿。摇三摇咾颠三颠，大少爷摆伐？摆是摆个，我想白虎行三桩，四个头也弗会得来，刚刚摆个侪是双点子，迪个换花头。迪个铜钿搭我搬进去，要换单点子。进宝浪厢扑勒（拉）浪，开花一记骰子报名件，开出来板凳方糕茶一碗，骰子齐巧足九点，辣进宝浪厢赢铜钿。唉呀，大少爷侬亦着哉，一钿着三钿，连本搭利算一算，刚刚一千千零四十八千五百七十六带本变四千千一百九十四千三百零四个马剑大洋钿。摇三摇咾颠三颠，大少爷摆伐？摆是摆个，头一桩进宝，亦拨侬赢，搿末我要伏一记。伏进宝门浪扑勒（拉）浪，开花一记骰子报名件，开出来猛枪扎金花骰子十三点，辣进宝浪厢赢铜钿。大少爷侬亦着哉，一钿着三钿，连本搭利算一算，刚刚是四千千一百九十四千三百零四带本变一万六千千七百七十七千二百十六个马剑大洋钿。摇三摇咾颠三颠，大少爷摆伐？我话摆是摆个，第二桩进宝，亦拨侬赢，做足伊，三个头进宝浪厢扑勒（拉）浪，开花一记骰子报名件，开出来脱尾巴野鸡十七点，辣进宝浪厢赢铜钿。唉呀，大少爷侬亦着哉，一钿着三钿，连本搭利算一算，刚刚一万六千千七百七十七千二百十六带本变六万七千千一百零八千八百六十四个马剑大洋钿。摇三摇咾颠三颠，大少爷摆伐？我话摆是摆个，进宝三桩，四个头弗会得来，换花头，原旧单点子。出宝浪厢扑勒（拉）浪，开花一记骰子报名件，开出来臭虱盯人十一点，辣出宝浪厢赢铜钿。大少爷侬亦着哉，一钿着三钿，连本搭利算一算，刚刚六万七七千一百零八千八百六十四带本变廿六万八千千四百三十五千四百五十六个马剑大洋钿。摇三摇咾颠三颠，大少爷摆伐？我话摆是摆个，头一桩出宝，亦拨侬赢，老规矩，伏一记，伏出宝门浪扑勒（拉）浪，开花一记骰子报名件，开出来扯碎梅花十五点，辣出宝浪厢赢铜钿。唉呀，大少爷侬亦着哉，一钿着三钿，连本搭利算一算，刚刚廿六万八千千四百三十五千四百五十六带本变一百零七万三千千七百四十一千八百廿四个马剑大洋钿。摇三摇咾颠三颠，大少爷摆伐？我话摆是摆个，第二桩出宝，亦拨侬赢，做足伊。三个头出宝门浪扑勒（拉）浪，开花一记骰子报名件，开出来火烧牛头十九点，辣出宝浪厢赢铜钿。唉呀，大少爷侬亦着哉，一钿着三钿，连本搭利算一算，刚刚一百零七万三千千七百四十一千八百廿四带本变四百廿九万四千千九百六十七千二百九十六个马剑大洋钿。摇三摇咾颠三颠，大少爷摆伐？唉呀，摆是摆个，侬让我想一想。迪个……青龙、进宝、白虎、出宝。三青龙，三白虎。三进宝，三出宝。青龙长远弗曾来，好末事。一塌刮子青龙浪厢扑勒（拉）浪，开花一记骰子报名件，开出来盖绸雪山足廿点，辣青龙门浪赢铜钿。大少爷侬亦着哉，一钿着三钿，连本搭利算一算，刚刚四百廿九万四千千九百六十七千二百九十六带本变一千七百十七万九千千八百六十九千一百八十四个马剑大洋钿。摇三摇咾颠三颠，大少爷再摆伐？我话摆是摆个，总共头一记摆到过歇？伊话十七记摆脱哉。第十八记，一塌刮子收进宝门浪扑勒（拉）浪，开花一记骰子报名件，开出来五佛朝天廿一点，辣进宝浪厢赢铜钿。唉呀，大少爷侬亦着哉，一钿着三钿，连本搭利算一算，刚刚一千七百十七万九千千八百六十九千一百八十四，第十八记总共变六千八百七十一万九千千四百七十六千七百三十六。
白：我来再复一遍：头一记，一赢三，带本变四，第二记，四赢十二，带本变十六，第三记，十六赢四十八，带本变六十四，第四记，六十四赢一百九十二，带本变二百五十六。第五记，连下去朝。（此处开始越数越快， 直至第十八押。）第五记末喏：一千零廿四，四千零九十六，十六千三百八十四，六十五千五百三十六，二百六十一千一百四十四，一千千零四十八千五百七十六，四千千一百九十四千三百零四，一万六千千七百七十七千二百十六，六万七千千一百零八千八百六十四，廿六万八千千四百三十五千四百五十六，一百零七万三千千七百四十一千八百廿四，四百廿九万四千千九百六十七千二百九十六，一千七百十七万九千千八百六十九千一百八十四，第十八记总共变六千八百七十一万九千千四百七十六千七百三十六。【长腔中板】我第十九记一塌刮子拨我侪输落，【甩中板】所以我朱小天，从今后（末）出外弗去赌铜钿。
说明：《十八押》是沪剧老滩簧时期较为流行的小同场剧目《朱小天》中的第一折。《朱小天》是一出滩簧剧目中常见的劝戒赌题材的剧目。初名《小珠天》或《小朱天》，早在改良申滩时期，该剧已广为流传。《十八押》一折，描述的是主人公朱寿仙因赌博而败家的经过。全折以一段【长腔中板】的叹桩头起唱，而后即是大段夹白带唱，且越唱越快的【三角板】。既而以一气呵成，快而不乱的数字翻倍记算的“贯口”重复十八押之累记数值。直至倒数第二句又以【长腔中板】起腔，末句【甩中板】结束。该折子为男口“忌嘴戏”之一。若无过硬之基本功，绝不能轻易演出。
现根据筱文滨先生演唱之录音记录唱词。值得一提的是，“十八押”中每开出一次骰子，均以形象的事物比喻骰子点数的情形，颇具特色。
另外，该唱段结构有较多的重复。如“十八押”首句“摇三摇咾颠三颠”【起三角板】，二句“开花一记骰子报名件”【甩三角板】，三句“开出来末扦光荸荠足四点”【起三角板】，四句“巧弗过咾青龙浪厢赢铜钿”【甩三角板】。五句“大少爷侬着个哉”【起三角板】直至“带本变四个马剑大洋钿”【甩三角板】。而后的“大少爷摆伐……多一点叫进宝” 为念白。至“我进宝浪厢扑勒（拉）浪”【起三角板】，直至“带本变十六个马剑大洋钿”【甩三角板】如此循环往复。故在第一、二押时标明所用唱腔名称以示唱腔结构，下文即可以此类推。
该唱段唱词长而难记，本人水平有限，其中难免有讹误之处，恳请方家指正，不胜感激。
注：唱词凡遇 “十五”，筱文滨先生用老派上海话发音，音为“so n”，特此说明。

谢谢楼主把这么多唱词记下来，花了很多宝贵时间，无私奉献上传沪剧泰斗筱文滨先生演唱的《朱小天●十八押》珍贵唱词！辛苦了！

谢谢老师上传 辛苦了

不易  不易   不易！辛苦了!

楼主已将音频资料上传到《沪剧音频（开放区）》版块中：

http://www.chinahuju.com/thread-22900-1.html

谢谢老师上传！

传统戏传统唱段，珍贵！

珍贵，楼主辛苦，谢谢上传。

非常好，功夫