马上注册,结交更多好友,享用更多功能,让你轻松玩转社区。
您需要 登录 才可以下载或查看,没有帐号?注册
x
本帖最后由 仙人球 于 2013-11-18 22:02 编辑
卖花球
(演唱:丁少兰 丁婉娥)
旦:东方日出照高(啊)楼,香闺静坐美娇秀。
小姑娘轻轻理妆周身弄,略略梳妆往外走,
要到外头买花(啊)球。回(啊)转身后生叫。
丑:(白)大小姐
旦:侬刮辣辣喉咙高声喊,来哉做的因何干,勒我面浪说根(啊)由。
丑:大小姐,我后生勿说哪晓得。
旦:(白)话话看!
丑:看见伐,我只花篮实在蛮考究,里托布唠外托稠,
上头倒有小牌楼,四十九只云南定打白铜钩。
下头还有铜盆水钵头,卖两朵名工叠对好花球。(要伐)
旦:后生家要卖两朵好花球。
丑:(白)是呀。
旦:小姑娘是从小就爱花儿戴,喊得侬末拿出花儿报名头。
丑:让我拿出花儿头一票。
旦:(白)啥个花呀?
丑:此名就叫大绒球,插勒头浪出风头,只要卖侬五分头。
旦:(白)五分勿要。
丑:强点三分头。
旦:(白)勿要呀。
丑:再强一分头。
旦:(白)勿要。
丑:送拨侬女娇秀。
旦:(白)勿要呀勿要。
丑:大家搭讪头。
旦:(白)作啥啦?
丑:(白)喏,胡调胡调。
旦:(白)勿要。
丑:勿要转来回转头,拿出花儿第二票。
旦:(白)嗳。
丑:叠朵就叫扳扳俏,若人笑,只要卖侬四分头。
旦:(白)勿要呀。
丑:强点二分头。
旦:(白)勿要。
丑:铜钿勿要收。
旦:(白)我也勿要呀。
丑:送拨侬女娇秀。
旦:(白)啥勒,无认得个唸。
丑:胡调胡调搭讪头。
旦:(白)勿要。
丑:好!吾勿要走来回转头,拿出花儿第三票。
旦:(白)第三票啥个花。
丑:叠朵就叫啥名头,芝兰茉莉洋绣球。
旦:后生家今朝要买芝兰茉莉,要买叠朵洋绣球。
姑娘实在爱不过,铜钿要卖啥价头?
虚头勿要讨,侬勒吾面浪说根由。
丑:大小姐我卖花横竖带头戏。
旦:(白)要做啥个。
丑:请侬往里走,专门到里厢唱开头。
旦:(白)噢。
|