马上注册,结交更多好友,享用更多功能,让你轻松玩转社区。
您需要 登录 才可以下载或查看,没有帐号?注册
x
本帖最后由 仙人球 于 2013-11-15 16:10 编辑
女单帮•留书
演唱:筱文韵
舒丽娟:(白)唉,局长。吾只有侬局长能够搭吾出来讲一句闲话哉,除脱侬局长就勿没第二个人。局长!侬局长能够来同情吾,侬能够来了解吾。局长!局长!
吾苦命个丽娟为啥临死还要来讨嫌侬。
(局长!局长!)
侬局长真是吾个大恩人。苦命丽娟勿能够再允许勒辣世界浪,还是早死一日早超生。子春少爷今朝到监牢来望望吾,谁知道拨辣金夫人晓得就勿肯放轻。听她口音之中要告少爷有重婚罪,吾勿能够害子春(个)多情(啊)人。情愿自家早点死,能够成就依勒八拜夫妻同到根。必过吾末临死有两桩大事拜托侬。
(白)阿囡啊!心肝!宝贝!
拜托侬局长牢牢切记常挂(着)记,叠个小囡搭吾送到扬州沈府浪,请叠个一位金家小姐另眼要照应。吾死之后喊少爷来收留吾,请公公婆婆可能承认吾媳妇是沈家个人。死尸要摆勒辣老坟浪,逢着清明七月半,冬至搭年夜天,要请倷子春少爷到吾坟墓浪,敬丽娟三杯酒,以表你吾当初夫妻一点情分。
|