沪剧《小二黑结婚》唱词摘选《土窑相会》

小二黑结婚

(根据赵树理同名小说改编)

改编：文牧

丁是娥演小  芹    蔡志芳演小二黑

剧情简介

    男青年二黑和少女小芹相爱，但双方父母均未允准。村里地痞金旺、兴旺兄弟俩因调戏小芹未成，就利用武委会和妇救会斗争二黑和小芹，并趁他们在土窑商议时，以“捉奸”为名，强扭到区里。区长了解情况后，将金旺、兴旺治罪，同时批准了二黑和小芹结婚。

土窑相会

    (芹唱)已经要出大事体。前两日侬在屋里发寒热，小芹要来望望你，想勿到走过金旺门口外，齐巧拨伊来看见，拿我一把拖进去，闲话难听倒还罢，动手动脚少道理。我末又是气来又是急，拿伊耳光打一记；一记耳光结了毒，伊就跑东跑西造谣言，话依先锋队队长勿负责，假生毛病在家里，话我引诱村里小伙子，害得伲合村要出环名誉。传到东来传到西，传到姆妈耳朵里，姆妈胆子交关小，伊说小芹娘家蹲下去，早晚要出大事体，推出日头早关门，所以要拿我嫁出去。(黑唱)金旺兴旺坏东西，恶贼们实在太无礼，仗势欺人真可恶，到捺姆妈门前搬是非。小芹妹，我想此事勿要紧，叫你勿必急来西。有一日到过捺屋里厢，小芹侬齐巧跑出去，捺爹爹问我到此阿有事，我说老伯父，二黑走来望望你。伊末叫我坐一歇，我说侬小芹跑出去，二黑也要回家里。伊讲我二黑非常好，搭侬小芹很知已，将来拿侬配拨我，成全伲一对小夫妻。捺姆妈旁边笑嘻嘻，我想伊心中定同意，一定拿侬来配拨我，自首到老做夫妻。(芹唱)做人困勒啦梦头里，爹爹拿侬很欢喜，勿晓得姆妈啥脾气，依的心里勿要急，让我继续讲下去。有一日来了一个老头子，搭伲姆妈讲得很投机：后来我就一打听，阎锡山部下做旅长，现在退职在家里，做官辰光捞横档，捞着一笔臭铜钢，捞着铜钿呒用处，专门女人身上打主意。因为他妻子老早死，见我小芹还算好，预备讨我做续弦，搭伲姆妈讲条件。伊说：“三仙姑，只要侬囡圄肯嫁接我，随便啥条件全可以，侬要铜钿就铜钿，侬要衣裳随便几件。”姆妈向来贪小利，听见铜钿笑嘻嘻。今朝屋里真热闹，却原来老头子派人送聘礼。因为伊年纪四十八，来煞勿及恐怕死，叫我七日工夫就要嫁过去。我末随便哪能勿答应，搭伲姆妈讲道理，我说四十八岁老头子，勿要说我去嫁拨伊，做伊囡圄亦可以，要我嫁来我勿嫁，要末侬去嫁拨伊。伲姆妈晓得要弄僵脱，夹梦头里打呵欠，伊说三仙姑末上身哉，话我命功里搭迪个老头子，前世姻缘一线牵，假使我话勿答应，三仙姑要发脾气。我听着此言心里急，所以偷偷跑出去，预备想来寻着你，不料路上碰着侬，两人要到土窑里。喂，我勒啦火里侬在水里，我问侬到底要我勿要我，老老实实讲一句，七日工夫快来西，快点搭我出主意。(黑唱)小芹何用心中急，已经有主意在心里。小芹妹，问侬阿晓得，村长与我讲过歇，伊说八路军队到此地，样样事体讲正理，男女婚姻应当自由主，而况手续很简便，只要侬搭我情投意合，终身伴侣成夫妻；任何人勿能来干涉，就是捺爹爹姆妈根本亦勿能作主意。小芹妹，侬叫心里勿要怕，搭捺姆妈去讲道理。

谢谢小黄站长上传了这些优美的唱词.

谢谢上传

谢谢上传！

谢谢

谢谢上传！