中国沪剧网

标题: 沪剧当中个上海闲话搭民俗【转】 [打印本页]

作者: 中吴人 时间: 2011-9-21 12:56
标题: 沪剧当中个上海闲话搭民俗【转】
2011-9-21信息来源：新民晚报

对上海人来讲，所有个地方戏曲剧种当中，沪剧是顶顶亲近个一种。因为沪剧是我伲上海土生土长个戏曲剧种，伊个说白搭唱段用个侪是的的刮刮个上海闲话。通过沪剧个舞台，我伲可以感受到勿少上海地区特有个民风习俗。
　　著名沪剧传统剧目《庵堂相会》，写个是陈宰庭（小名陈阿兴）搭金秀英个婚姻故事。两家人家从小就定了亲，后来陈家家道中落了，金秀英个爷金学文就想赖脱迭桩亲事。陈宰庭有一段唱：“春二三月草青青，百花开放鸟齐鸣，蝴蝶高飞成双对，蜜蜂成群采花心。今年逢着交春早，塘里芦芽叶放青，豌豆花开九莲灯，菜花落地是像黄金。萝卜花开白如银，蚕豆花开黑良心。搿蚕豆花开黑良心，好比我岳父金学文，我恨勿得摘去伊头来拔去伊个根，唉！想一想对勿起种田人。”迭搭唱个侪是伲上海农村里春天辰光个江南风光，侪是上海个方言，像“蚕豆花开黑良心”属于上海俗谚，上海闲话个特征老鲜明、老突出个。大家晓得还有一部著名格沪剧《碧落黄泉》，伊当中有一段叫“志超读信”个唱段，邪气有名。 “志超志超我来恭喜侬，玉如印象侬?阿曾忘记？我搭侬一道求学书来读，朝暮相聚有四年，感谢侬常来指教我，志超侬对我最知己。志超啊！我唯一希望只有侬，愿搭侬永远在一起・・・・・・・” 里向用个侪是邪气正宗个上海方言。

　　每一种地方戏曲剧种侪搭伊生长、发展个土壤有着密切个关系，沪剧反映个大多是上海都市、城镇搭农村个人物故事搭仔生活场景，所以我伲去看沪剧，就会感觉到有一股浓厚个上海风情扑面而来。《庵堂相会》里有一场戏叫“看龙船”。老娘娘搭金学文一道看龙船是一场邪气精彩、有趣个戏。“（文唱）：五月端阳地腊腊天，（太唱）到黄浦江边看龙船。（文唱）我说老娘娘，这人山人海好热闹，（太唱）大个搀来小个牵，红男绿女人头齐，十番锣鼓闹喧天。老相公，好听来！（文唱）东边寻来西边看，为啥不见穷鬼（ju）到江边来看龙船？（太唱）见朱砂渐渐正中天，想必阿兴已经进花园，老身像蚂蝗钉牢螺蛳脚，我要缠牢伲老相公看龙船”。“蚂蝗钉牢螺蛳脚”是上海个俗语；辣拉黄浦江上敲十番锣鼓，赛龙船，市民扶老携幼到黄浦江边看龙船，迭一些侪是当时上海端午节个民风习俗，迭搭块拿民俗搭剧情紧密纠结辣一道，感觉到特别个亲切，邪气有情味。

　　我觉着看沪剧真是学习上海方言，了解搭熟悉上海民风习俗老好个途径。

作者: 朱妙其 时间: 2011-9-22 07:34
今年三月,上海话有声数据库招募上海话发音人,郊区合格者寥寥.许多词汇．民俗也已失传.今后要想听到纯正上海话,恐怕得去滩簧．老沪剧中寻觅了.

作者: lizhenmin 时间: 2011-9-22 08:40
上海的沪剧无疑是代表标准上海闲话的戏曲剧种，它有着深厚的观众基础，喜欢沪剧的观众，会一直关注沪剧、迷沪剧的。
上海电台也非常重视沪语广播，《谈天说地阿富根》等节目也深受听众的欢迎！
希望上海保护、保留具有上海地方特色的上海闲话！

作者: 雁声 时间: 2011-9-22 09:04
侪是“邪气”
文章写成这样，似乎读得却并不舒服，呵呵

作者: frankwyj 时间: 2011-9-22 14:55
咾好听格上海闲话，听了咾适意格。.
上海闲话就好像一只浓缩格干苹果，慢慢叫吃，越吃越有味道，咾糯咾嗲格。

作者: cbl625 时间: 2011-9-27 11:16
全部用上海闲话写出来老勿容易格。

作者: 双王今易木 时间: 2011-9-28 11:09

赞！谢谢报道！

欢迎光临中国沪剧网 (http://www.chinahuju.com/)