我眼中搿朱君尧

我眼中搿朱君尧（闲话沪剧院青年团演员系列之一）

作者：easonfeng 及 1991小戏迷

        上海沪剧院搿“沪剧嘉年华”系列演岀虽然已经落幕，但迭趟系列演岀搿影响却是相当搿大。尤其是上海沪剧院青年团搿一批青年演员搿表更是可圈可点搿。今朝，我就向大家其中一位青年团搿一位演员——朱君尧。
       
        个人简介：
        朱君尧（本名：朱强强）
        1996年生，原籍：浙江杭州余杭 （刘锡彤额老窝所在）
        2006年入上海戏剧学院沪剧班学习
         2011年毕业进入上海沪剧院青年团

    当初晓得朱君尧迭个青年演员并勿是通过迭个名字，倒是伊个本名朱强强。我记得伊额辰光看到一张照片，觉着这个小钜头长得像小老外，我记得我还问朱麟飞“老外也学沪剧啊？”。呵呵，纯粹打朋！（本来以为寻不着迭张照片了，现在拨我搜到了。窃喜，分享下）实际上到现在为止，我还是觉着伊有混血额气质：）

       老实讲，当时并听到或者没看到过伊额任何唱段，任何戏。相对于别他青年团里耳熟能详额王森，洪豆豆，朱麟飞等等来讲，迭个名字个是相当相当额陌生！
    我曾经勒拉网上搜索额辰光也只寻到一段伊了啦戏校里厢搭洪豆豆额一段 《大雷雨—人盼成双月盼圆》。感觉还不错，也仅仅就是还不错而已。再加上当初也老少看到伊搿消息跟演出。所以朱君尧迭个名字伊额辰光对我迭个伪戏迷（某些人赠送额雅号）来讲，就是一片浮云。

    直到偶然一次勒拉网上看到了青年团额一出《胡锦初借妻》全场视频。竟然在片头演员介绍里面看到了“朱强强”这个名字（因为是戏校时候的录像，所以当初还是用的朱强强这个本名）。
    勒辣我略带好奇和疑虑的期待中，朱君尧踱着方步，手捧着书箱，抬头一个眼锋扫向观众。有道理搿！我饶有兴致搿看了下去。让人欣喜搿是，伊勒辣身段方面，手、眼、身、法、步样样到位，外加富有书卷气，符合胡锦初搿书生形象。一看就晓得伊勒辣戏校里厢一定下过苦功。虽然朱君尧只唱了第一、第二两场，但是伊当时搿水平已经得到比较全面地展现！看完朱君尧迭本戏搿演岀，伊成为了我心目中最看好的一位青年团小生演员之一。我更加期待伊有更多更好的演岀。不过同时也对为啥介有水准的青年演员老少有机会露脸也颇为不解。

    让人欣慰搿是，伊后来逐渐勒辣一些大戏及青年团折子戏演出中担任角色。最早勒辣剧场看到伊额演出实际上还是迭出重排后重登逸夫的《胡锦初借妻》。

因为当初勒辣逸夫没录好，个么还是弄两段后期勒辣松江演出辰光（2012年6月8日）额视频拨辣大家分享。
《胡锦初借妻-第一场片段》

如果无法播放，请点击此处在新窗口打开

《胡锦初借妻-第二场片段》

如果无法播放，请点击此处在新窗口打开

后来陆续勒辣一些折子戏当中看到伊搿演出，包括沪剧联唱中额《冤有头来债有主》及折子戏《逼打手印》。勒辣《逼打手印》中朱君尧在剧中扮演穆仁智。穆仁智是搿反面角色，搭伊平常常演搿小生形象反差极大，但是伊演得游刃有余，拿人物势力，阿谀奉承搿，仗势欺人搿心态，通过唱、念、做，刻画得入木三分。证明了伊勒辣表演方面搿可塑性。


分享迭个两段拨辣大家欣赏：
《冤有头来债有主》2012年2月12日兰心录像

如果无法播放，请点击此处在新窗口打开

《逼打手印》（朱君尧扮演穆仁智)  2012年2月12日兰心录像

如果无法播放，请点击此处在新窗口打开

        从晓得上海沪剧院青年团要排沪剧骨子老戏《陆雅臣》开始，我就对迭本戏搿公演邪气期待。不光对朱君尧，也对伊辣整个集体。2012年9月22日《陆雅臣》逸夫首演，让我伲戏迷对青年团勒辣继承传统浪搿出色表现惊叹不已，为之折服。而朱君尧当天表现无疑勒辣三个小陆雅臣中是最出挑搿一个。无论是《求岳母》还是《求娘子》，勒辣演唱上字正腔圆，春派味道极浓。表演上自然朴实，来愈成熟，成功地诠释了陆雅臣悔恨交加、幡然醒悟搿心态，成功地塑造陆雅臣浪子回头搿形象。在我看来陆雅臣迭个人物的成功塑造，再一次证明了朱君尧搿实力，也看到伊逐渐成熟。让阿拉有理由去期待伊将来勒辣沪剧艺术上将有更加长足搿发展。


分享他这趟逸夫演出的晨光额两段视频：
《陆雅臣-可怜我迷迷蒙蒙走上一条黄泉路》朱强强 韩朝群

如果无法播放，请点击此处在新窗口打开

《陆雅臣-求岳母》朱君尧 朱麟飞

如果无法播放，请点击此处在新窗口打开

       讲到朱君尧搿“唱”。可以讲是相当突岀搿。朱君尧嗓音条件好，韵味浓厚，而且声音搿可塑牲强。伊能够演唱沪剧生行唱腔搿各种流派，外加深谙各流派唱腔搿特点。通俗点讲，唱得邪气有味道。无论是《冤有头来债有主》中搿爽朗铿锵的邵派，还是《陆雅臣》中朴实清脆搿春派侪唱得老赞搿。特别是我曾经听伊唱过搿一段解派代表作《江姐》中的《劝降》。伊开口唱第一句时，我甚至有点恍惚：是解洪元勒辣唱伐？细听之下，才发现演唱者是朱君尧。一个青年演员竟能把深沉老道搿解派演唱得如此惟妙惟肖，勿得勿让人为之佩服，为之鼓掌。当然伊最崇拜额孙徐春的唱腔更不用讲了。朱君尧真是勿简单啊！
       
    通过迭个一年多搿观察，作为一个观众，我看到了朱君尧迭个90后沪剧人搿努力与付岀，也看到了伊勒辣艺术浪搿点滴进步与逐渐成熟。当然对一个刚刚进入沪剧院一年搿青年演员来讲，还有交关地方需要去提高，学习跟完善搿地方。衷心希望希望迭能一位有能力，潜力的青年演员勒辣沪剧艺术道路高头越走越宽！毕竟现在好搿沪剧苗子，人才勿多，需要阿拉更多搿去支持！加油！朱君尧！加油！沪剧！

编外插曲：
因为不太记得到底啥辰光晓得及看到迭个段“历史”和视频，所以单独列开。我记得有人
告诉我讲朱君尧开始“成名”是《大雷雨-花园会》。迭个地方加引号，因为并是勿说他真额成名了，而是从迭次折子戏开始伊拨大家认得和认可。
可惜我是没迭搿眼福现场看到迭段演出，估计以后也老难看到。不过网浪厢有好心搿戏迷传了这段。
沈仁伟搿这段唱，是个沪剧迷全晓得。难度实际浪邪气高。真么想到年纪嘎小，还勒拉戏校额辰光就能够拿迭段嘎经典而且有难度搿花园会演绎得嘎出色。

视频分享：

如果无法播放，请点击此处在新窗口打开

还在审核中~~~~~哎

蛮完全齐整---包括美文和主介人物.



说余杭是刘锡彤老窝不如说是杨乃武小白菜的老家.

回复 blogfeiyunpu 的帖子

赵教授，你这个懂的！需要“打击”/调侃下的么。写小白菜她们太正了。哈哈

回复 blogfeiyunpu 的帖子

您是专业人士，还请您多指点指点。呵呵

谢谢报道!

回复 龚山荣 的帖子

其实也算不上什么报导，只是一个汇编而已。谢谢您的支持。

用上海方言写的报道，太好了，送上鲜花！

回复 叮铛铃 的帖子

哈哈。用上海闲话写，有点纠结。什么是正确的字搞不清。1991小戏迷帮了很大忙。文字大部分都是他写的。哈哈

愿朱君尧这颗苗子茁壮成长，沪剧后继有人！
            

回复 frankwyj 的帖子

说得好。哈哈

       朱强强是沪剧班同学中的佼佼者，但是得不到院长的青睐，可惜了!

倾听 发表于 2012-10-19 18:59
朱强强是沪剧班同学中的佼佼者，但是得不到院长的青睐，可惜了!

我想对沪剧的热爱会支持他继续在沪剧这片天地去努力。领导的器重不器重是一回事情，但是自身的实力也是根本。将来的事情说不好，他还小。不管将来的路怎么走，我想他能走出自己的一片天地。